சர்க்கரை நோயை கட்டுக்குள் வைக்க டிப்ஸ்..!

சர்க்கரை நோயை கட்டுக்குள் வைக்க டிப்ஸ்..!



💊 வெந்தயம் ரத்தத்தில் உள்ள சர்க்கரையின் அளவைக் குறைக்கும். கல்லீரலைச் சுறுசுறுப்பாக்கி, பித்தத்தை முறிக்கும். இரவில் ஊறவைத்த வெந்தயத்தை, காலையில் நீருடன் சேர்த்து குடிக்கலாம்.

ஒரு டீஸ்பூன் வெந்தயத்தில் ஒரு டம்ளர் நீர் ஊற்றிக் கொதிக்க வைத்து, ஆறிய பின்னர் அந்த நீரை குடிக்கலாம். முளைக்கட்டிய வெந்தயத்தை தினமும் சாப்பிட்டு வந்தால் சர்க்கரையின் அளவு குறையும்.

💊 நெல்லிக்காய் ரத்தத்தில் கலக்கும் இன்சுலினை, சிறந்த முறையில் கிரகிக்க உதவுகிறது. நெல்லிக்காயில் வைட்டமின் சி நிறைந்துள்ளது. இது, உடலின் நோய் எதிர்ப்பு சக்தியை அதிகரிக்கச் செய்கிறது.

உடல் ஆரோக்கியத்திற்கு உதவுகிறது. ஒரு டீஸ்பூன் நெல்லிக்காய் சாற்றை, அதைவிட நான்கு மடங்கு நீருடன் சேர்த்து அருந்தலாம்.

💊 பட்டை, டைப் 2 சர்க்கரை நோய்க்கு சிறந்த மருந்து. இன்சுலின் உடலில் சீராகச் சுரக்க உதவும். சர்க்கரையின் அளவைக் குறைக்கும். ஒரு டீஸ்பூன் பொடியை தண்ணீரில் கலந்து, இரண்டு வேளை உட்கொண்டு வரலாம்.

அரை டீஸ்பூன் பட்டை தூளை ஒன்றரை கிளாஸ் தண்ணீர் சேர்த்து நன்றாகக் கொதிக்க வைத்து, அந்த நீரை ஆறிய பின்னர் குடிக்கலாம்.

💊 நாவல்பழத்தில் உள்ள துவர்ப்புத் தன்மை, ரத்தத்தில் உள்ள சர்க்கரையின் அளவைக் குறைக்கும். கணையத்தை சீராக்கிப் பாதுகாக்கும். பித்தத்தை தணிக்கும்.

நாவல் விதைப் பொடியை ஒரு டீஸ்பூன் தண்ணீரில் கலந்து இரண்டு வேளை குடிக்கலாம். நாவல் பழத்தின் சாற்றை தினசரி குடிக்கலாம். தொடர்ந்து நாவல் பழங்களைச் சாப்பிட்டு வந்தால் குடல், இரைப்பை, இதயத்தின் தசைகள் வலுவாகும்.

💊 சர்க்கரை நோய்க்கு பாகற்காய் சிறந்த மருந்து. இது, கணையத்தில் உள்ள பீட்டா செல்களை புத்துயிர் பெறச் செய்கிறது. பாகற்காயில் உள்ள வைட்டமின் சி மற்றும் ஆன்டிஆக்ஸிடன்ட், கண்நோய் வராமல் காக்கும். தினசரி பாகற்காய் சாற்றை வெறும் வயிற்றில் அருந்தலாம்.

அவ்வப்போது உணவில் சேர்த்துக்கொள்ளலாம். ஒரு கப் பாகற்காய் சூப், அதில் ஒரு டீஸ்பூன் எலுமிச்சைச்சாறு கலந்து காலையில் வெறும் வயிற்றில் சாப்பிட்டு வந்தால் இரத்தம் சுத்தமாகி, தோல் பளபளப்பாகும்.

💊 வேம்பு, சிறந்த கிருமி நாசினி, பூச்சிக்கொல்லி, பக்க விளைவு இல்லாத சர்க்கரைநோய் மருந்து. தேவையான இன்சுலினைச் சுரக்க உதவும். வேப்பம் பூவை உணவுடன் சேர்த்துக் கொள்ளலாம். வாரம் ஒருமுறை வேப்பம் பூ ரசம் சாப்பிடுவது நல்லது. பித்தத்தை குணப்படுத்தும்.

💊 துளசியில் உள்ள துவர்ப்பு, சர்க்கரை நோய்க்கு சிறந்த மருந்து. இது கணையத்தில் உள்ள பீட்டா செல்களின் செயல்பாட்டை அதிகரிக்கும். மேலும், இன்சுலின் சுரப்பை சீராக்கும். தினமும் 10 - 15 துளசி இலைகளைச் சாப்பிடலாம். Thanks Murasu Tamil.