HELLO... 90s kids... மலரும் நினைவுகளில் நனைவோமா?...
மலரும் நினைவுகள்..!!
👉90களில் பிறந்த குழந்தைகள் மிகவும் அதிர்ஷ்டசாலிகள்தான்... ஏன் தெரியுமா? ஏனென்றால் தொழில்நுட்ப வளர்ச்சியுடன் சேர்ந்து வளர்ந்தவர்கள் இவர்கள்தான்.
👉அதாவது, அன்றைய வீடியோ கேம்-ல் தொடங்கி இன்றைய பிளே ஸ்டேஷன் வரை அனைத்தையும் முதலில் உபயோகப்படுத்தியது இவர்கள்தான்.
👉அன்று தங்கள் பெற்றோர்கள் ஒரே ஒரு ரூபாய் கொடுத்தாலே அதை வைத்து பள்ளி காலங்களில் அதிகபட்ச சந்தோஷத்தை வாங்கியவர்களுக்கு அந்த காலம் மறக்க முடியாத சொர்க்கம் என்றால் அது மிகையாகாது.
👉சுகமான நினைவுகளும், மறக்க முடியாத சில நிகழ்வுகளும் கொண்ட பாக்கியம் பெற்றவர்கள்தான் 90-களில் பிறந்த குழந்தைகள்.
90's.. மறக்க முடியுமா?
👉வீட்டுக்கு வீடு வானொலிப்பெட்டி வைத்திருந்த கடைசி தலைமுறையும் நாம் தான்.
👉வீட்டுக்கு தெரியாமல் ஆறு, ஏரிகளில் குளித்து பூவரசம் தடியால் வெறும் மேலில் அடிவாங்கிவிட்டு, தழும்புகளுடன் பாடசாலைக்கு சென்ற கடைசி தலைமுறையும் நாம் தான்.
👉உண்டியலில் சில்லறை சேர்த்து, உடைத்துக் கொட்டி தேவையானபோது எடுத்துச் செலவு செய்த கடைசி தலைமுறையும் நாம் தான்.
👉வேலிக்கு மேலாக பறக்கும் சேவலை துரத்திப்பிடித்த கடைசி தலைமுறையும் நாம் தான்.
👉சிறுவயதில் சைக்கிள் ஓட்ட பழகும்போது பிரேக் பிடிக்க மறந்துவிட்டு மரத்தில் மோதிய கடைசி தலைமுறையும் நாம் தான்.
👉மாட்டு வண்டியில் சவாரி செய்த கடைசி தலைமுறையும் நாம் தான்.
👉பிலிம் ரோலில் படம் எடுத்து முடிக்கும்வரை காத்திருந்து, பிரதி எடுத்தபின் பார்த்து மகிழ்ந்ததும் நம் தலைமுறை தான்.
👉ஒரு மணி நேரத்திற்கு 2 ரூபாய் கொடுத்து சைக்கிள் ஓட்டி மகிழ்ந்த கடைசி தலைமுறையும் நாம் தான்.
👉அம்பாசிடர் காரை பார்த்த கடைசி தலைமுறையும் நாம் தான்.
👉பெட்டிக் கடைகளில் 25 பைசாவிற்கு 3 துண்டு சினிமா பிலிம்களை வாங்கி சேகரித்து, கூட்டாளிகளுக்கு சூரிய ஒளியில் படம் காட்ட பயாஸ்கோப் தயாரித்த கடைசி தலைமுறையும் நாம் தான்.
👉நொண்டி, கபடி, கிட்டிப்புள், பம்பரம், கண்ணாமூச்சி, கோலி போன்ற பலவிதமான விளையாட்டுகளை விளையாடிய கடைசி தலைமுறையும் நாம் தான்.
👉 இதுபோல் இன்னும் பல விஷயங்களை சொல்லிக்கொண்டே போகலாம்...
👉 இதை படித்தவுடன் உங்களுக்கும் மலரும் நினைவுகள் ஞாபகத்தில் வந்துவிட்டதா...!! அப்போ... நீங்கள் செய்ய வேண்டியது ஒன்றே ஒன்று தான்...👇👇
கருத்துகள் இல்லை:
கருத்துரையிடுக