பசுமைக் காட்சி... அமராவதி அணை...!!

இது புதுசு... மீன் பிடிக்க ஆசையா? போயி தான் பாருங்களேன்...!!

பசுமைக் காட்சி... அமராவதி அணை...!!



🌟 அமராவதி அணை தமிழ்நாட்டில், திருப்பூர் மாவட்டத்தில் அமராவதி நகரில் இந்திரா காந்தி வனவிலங்கு உய்வகம் மற்றும் தேசியப் பூங்காவில் அமைந்துள்ளது.

🌟 அமராவதி நீர்த்தேக்கமானது 9.31 சதுர கி.மீ. பரப்பளவும், 33.53 மீ ஆழமும், 90 அடி உயரமும் கொண்டது.

🌟 இந்த அணையின் மூலம் கோவை, ஈரோடு மற்றும் கரூர் ஆகிய மாவட்டங்களை சேர்ந்த விவசாய நிலம் பாசனம் பெறுகிறது.

சிறப்புகள் :

🌟 திருமூர்த்தி அணையின் தெற்கே அமராவதி ஆற்றின் குறுக்கே 1957ஆம் ஆண்டு காமராஜர் முதலமைச்சராக இருந்தபொழுது கட்டப்பட்டது.

🌟 இந்த அணை வேளாண்மைக்காகவும், வெள்ளக் கட்டுப்பாட்டிற்காகவும் முதன்மையாகக் கட்டப்பட்டது.

🐟 இங்கு மீன்வலைகள் வீசப்பட்டு மீன்கள் பிடிக்கப்படுகின்றன. ஒரு மீனவர் ஒரு நாளைக்கு 20 கிலோ வரை மீன்பிடிக்க முடிகிறது.



🐟 ஆண்டுக்கு 110 டன் மீன்கள் கிடைக்குமென வனத்துறை மதிப்பிடுகிறது. 1972ஆம் ஆண்டில் ஹெக்டேர் ஒன்றிற்கு 168 கிலோ கிடைத்ததாக அறிவிக்கப்பட்டுள்ளது.

🐊 இங்கு தென்னிந்தியாவின் இயற்கைச் சூழலில் வளர்க்கப்படும் மிகப்பெரும் முதலைப் பண்ணை உள்ளது. சேற்று முதலைகள் என அழைக்கப்படும் மக்கர் முதலைகள் இங்கு பிடிபடாத நிலையில் இயற்கையாக விடப்பட்டு வளர்க்கப்படுகின்றன.

🐊 இவற்றின் இருப்புத்தொகை 60 பெரியவைகளாகவும் 37 சற்றே இளையவையாகவும் இருக்கும் என மதிப்பிடப்படுகிறது. இவை மீன்கள், ஊர்வன மற்றும் பாலூட்டிகளை உண்டு வாழ்கின்றன.

🐊 நீர்த்தேக்கத்தின் ஓரமாக காட்டு முதலைகளின் முட்டைகள் எடுத்து வரப்பட்டு இப்பண்ணையில் குஞ்சு பொறித்து வளர்க்கப்படுகின்றன.

🐊 இங்கு சிறியதும் பெரியதுமான முதலைகள் ஒன்றின் மேல் ஒன்றாக ஏறி விளையாடுவதைக் காணலாம்.

🏞 அமராவதி அணையில் மிகச்சிறந்த முறையில் அழகான பூங்காவொன்று அமைந்துள்ளது. இந்த விளையாட்டுப் பூங்கா பெரியவர்கள் முதல் சிறியவர்கள் வரை மகிழ்விக்கும் தன்மை கொண்டுள்ளது.



🏞 இவ்வணையில் உள்ள செங்குத்தான படிக்கட்டுகளில் சென்று வடக்கு பகுதியில் உள்ள சமவெளி பகுதியையும், தெற்குப் பகுதியில் உள்ள ஆனைமலை மற்றும் பழனிமலை அழகைக் காண முடிகிறது.

🏞 மேற்குத் தொடர்ச்சி மலையின் பசுமைக் காட்சி வருடந்தோறும் சுற்றுலாப் பயணிகளை தன்வசம் ஈர்த்து வருகிறது.

பார்க்க வேண்டிய இடங்கள் :

🏞 அணைக்கட்டு

🏞 அழகிய பூங்கா

🏞 மீன்பிடி தலம்

🏞 முதலை பண்ணை

எப்படிச் செல்வது?

🚌 கோயம்புத்தூரில் இருந்து பொள்ளாச்சி, உடுமலை வழியாக 94கி.மீ. தொலைவில் உள்ள அமராவதி அணைக்கு திருப்பூர், பொள்ளாச்சி, கோயம்புத்தூர் என அனைத்துப் பகுதிகளில் இருந்தும் ஏராளமான பேருந்து வசதிகள் உள்ளது.

எப்போது செல்வது?

அனைத்து காலங்களிலும் செல்லலாம்.