கோடைகாலத்தில் முட்டை சாப்பிடலாமா??
🍛கோடைகாலத்தில் நாம் உண்ணும் உணவில் மிகவும் கவனமாக இருக்க வேண்டும். இல்லாவிட்டால் பல்வேறு உடல்நலப் பிரச்சனைகள் ஏற்படும். அந்த வகையில் கோடைகாலத்தில் முட்டை சாப்பிடுவது நல்லதா, கெட்டதா என்ற சந்தேகம் சிலருக்கு உள்ளது. அதைப் பற்றி இங்கு காண்போம்.
🍛முட்டையில் கனிமச்சத்து, வைட்டமின், கால்சியம், இரும்புச்சத்து மற்றும் பாஸ்பரஸ் போன்ற சத்துக்கள் அதிகளவில் உள்ளது.
🍛கோடைகாலத்தில் சத்துகள் நிறைந்த முட்டையை சாப்பிட்டால், செரிமான பிரச்சனை ஏற்படும் என்ற பரவலான கருத்து இருக்கிறது. ஆனால், அது சரியான கருத்து இல்லை என்று சமையல் வல்லுநர்கள் கூறுகின்றனர்.
🍛கோடைகாலத்தில் முட்டை சாப்பிடுவதால் உடல் வெப்பத்தைக் குறைக்கலாம். முட்டையில் உள்ள ஏராளமான ஊட்டச்சத்துகள், கோடையில் உடலில் ஏற்படும் நீர்ச்சத்து குறைப்பாட்டை சீராக வைத்துக் கொள்ள உதவுகின்றது.
🍛முட்டை உடலில் உள்ள ஆற்றலை நீண்டநேரம் தக்கவைத்து, கோடையில் ஏற்படும் உடல் சோர்வு மற்றும் பலவீனத்தைத் தடுக்கிறது.
🍛முட்டையை குறைவான எண்ணிக்கையில் எடுத்துக்கொள்ள வேண்டும். ஏனெனில் அளவுக்கு அதிகமாக முட்டை சாப்பிடுவது உடலுக்கு நல்லதல்ல.
🍛வெயில் காலத்தில் அளவுக்கும் அதிகமாக முட்டையை எடுத்துக்கொண்டால், வயிறு தொடர்பான பல்வேறு பிரச்சனைகளை ஏற்படுத்தும்.
🍛கோடைகாலத்தில் முட்டையை நன்கு வேகவைத்துச் சாப்பிடுவது தான் மிகவும் நல்லது. மேலும், வெயில் காலத்தில் அசைவ உணவுகளை குறைத்துக்கொள்வது உடலுக்கு நல்லதாகும்.
கருத்துகள் இல்லை:
கருத்துரையிடுக